Я часта прыпыняюся каля сталоў, Дзе разлажылі прадаўшчыцы зёлкі, Сабраныя з усіх лугоў, палёў, На скрыжаваньнях і на валатоўках, Сабраныя у векавым бары Пры ветаху, маладзіку і поўні, З расою сьвятаянскаю, у поўнач, Да пераклічкі пеўняў, да зары. Купляюць зёлкі: маці – загаіць У сэрцы рану пасьля страты сына; Купляе маладзіца ці дзяўчына... Нашто? Хіба каго прываражыць, Пялёсткі ўплесьці паміж кос густых, Каб быць і маладой, і неўміручай!.. I я ў век атамны купляю іх, Бо веру ў сілу родных траў гаючых.
1959
|
|